Fram er búið að tilkynna nýjan leikmann sem gerir tveggja ára samning við félagið út keppnistímabilið 2027.
Varnarjaxlinn Kristín Magdalena Barboza kemur til Fram úr röðum Breiðabliks þar sem hún vill fá spiltíma í efstu deild.
Kristín er fædd 2008 og var í mikilvægu hlutverki á láni hjá Haukum í Lengjudeildinni í fyrra þar sem hún tók þátt í 16 af 18 deildarleikjum.
Hún er gríðarlega mikið efni þar sem hún hefur verið lykilleikmaður í unglingalandsliðum Íslands. Hún er með 16 skráða landsleiki á vefsíðu KSÍ, þar af 6 fyrir U18 liðið.
„Við erum virkilega spennt að fá að fylgjast með Kristínu í bláu treyjunni á komandi tímabili," segir meðal annars í tilkynningu frá Fram.
Athugasemdir
