Franski framherjinn Karim Benzema var enn og aftur á skotskónum er hann mætti Liverpool í Meistaradeildinni í gær en hann gerði markið sem skildi liðin að í gær.
Benzema, sem vann hin eftirsóttu Ballon d'Or verðlaun á síðasta ári, skoraði eina markið á 78. mínútu er hann kom boltanum í opið mark eftir sendingu frá Vinicius Junior.
Þetta var sjöunda markið sem Benzema skorar á móti Liverpool og það í einungis átta leikjum. Enginn leikmaður hefur skorað fleiri mörk gegn Liverpool í Evrópukeppni en hann.
Benzema hefur reynst Liverpool gríðarlega erfiður síðustu ár og allt Real Madrid-liðið, en enska liðið vann síðast tímabilið 2008-2009, einmitt tæpu hálfu ári áður en Benzema gekk í raðir félagsins.
Karim Benzema has scored more European Cup / Champions League goals against Liverpool than any other player in the competition's history (7).
— Squawka (@Squawka) March 15, 2023
Over and out. #UCL pic.twitter.com/cbAXVN9GJA
Athugasemdir