Serbneski framherjinn Filip Stuparevic er á reynslu hjá ÍBV. Stuparevic er 25 ára og var síðast á mála hjá Motherwell í Skotlandi.
Hann lék á láni í skosku B-deildinni á síðasta tímabili og skoraði sjö mörk fyrir Greenrock Morton. Hann lék ekkert með Motherwell fyrir áramót og í lok janúar skildu leiðir. Alls lék hann fjóra leiki með Motherwell og skoraði eitt mark.
Hann lék á láni í skosku B-deildinni á síðasta tímabili og skoraði sjö mörk fyrir Greenrock Morton. Hann lék ekkert með Motherwell fyrir áramót og í lok janúar skildu leiðir. Alls lék hann fjóra leiki með Motherwell og skoraði eitt mark.
Hann er fæddur í Belgrad og á að baki yfir 30 leiki fyrir yngri landslið Serbíu og skoraði í þeim sjö mörk. Hann er að snúa til baka eftir meiðsli og hefur tekið þátt í einni æfingu með ÍBV.
Hann var á sínum tíma á mála hjá Watford en spilaði ekki fyrir liðið. Hann hefur á sínum ferli spilað í Serbíu, Slóveníu, Skotlandi og í Sameinuðu arabísku furstadæmunum.
Serbinn Aleksandar Linta er þjálfari ÍBV og eru tveir Serbar í leikmannahópnum; þeir Milan Tomic og Milan Jezdimirovic.
Athugasemdir
