Erfiðara að vinna úrvalsdeildina en Meistaradeildina?

„Við vitum allir hvernig Jurgen [Klopp] er og við vitum að hann mun ekki gefast upp á því að reyna vinna úrvalsdeildina," sagði Hasenhuttl.

„Þetta er ennþá sá titill sem telur mest hjá öllum því það er erfiðast að vinna hann. Frá mér séð er erfiðara að halda nægilega góðum takti í 38 leiki heldur en að vinna Meistaradeildina. Jafnvel Klopp segir að það sé erfitt að ná öllum fjórum titlunum en ég veit að hann mun gera allt til þess að vinna á þriðjudag til að eiga möguleika á lokadeginum," sagði stjóri Southampton.

Liverpool varð um helgina bikarmeistari og varð fyrr á þessu ári deildabikarmeistari. Þegar sex stig eru í pottinum fyrir Liverpool eru fjögur stig í topplið Manchester City sem á einungis möguleika á þremur stigum í viðbót.

Leikir Liverpool:
17. maí Southampton - Liverpool
22. maí Liverpool - Wolves
28. maí Liverpool - Real Madrid (úrslitaleikur Meistaradeildarinnar)

Leikur Manchester City:
22. maí Man City - Aston Villa