Ætla að stoppa leikinn á tíundu mínútu

Romelu Lukaku, sóknarmaður Belgíu, sagði á blaðamannafundi í dag að boltanum yrði sparkað úr leik þegar tíu mínútur væru liðnar og svo yrði klappað í mínútu.

Þetta yrði gert fyrir Christian Eriksen, sem klæðist treyju númer tíu hjá Danmörku.

Eriksen fór í hjartastopp í fyrsta leik Evrópumótsins gegn Finnlandi en sem betur fer náðist að bjarga lífi hans.

„Við viljum klappa með Danmörku," sagði Lukaku á blaðamannafundi í dag.

Líðan Eriksen er stöðug. Það hefur ekki enn verið gefið út hvað olli því að hann fór í hjartastopp.