Truffert til Bournemouth (Staðfest) - Kerkez færist nær Liverpool

Truffert, sem er 23 ára gamall vinstri bakvörður, skrifaði undir fimm ára samning við félagið. Kaupverðið skiptist í 11,4 milljónir punda og mögulega viðbót upp á 3 milljónir punda, auk þess sem Rennes hefur samið um 10% af framtíðarsölu.

Truffert, sem lék sinn fyrsta leik fyrir Rennes árið 2020 og varð síðar fyrirliði liðsins, hefur spilað 212 leiki fyrir félagið. Hann lék einnig með yngri landsliðum Frakklands áður en hann fékk sinn fyrsta A-landsleikárið 2022. Einnig var hann í franska landsliðinu sem tryggði sér silfurverðlaun á Ólympíuleikunum í París árið 2024.

„Þetta er frábært tækifæri fyrir mig til að taka næstu skref á ferlinum og verða hluti af metnaðarfullu verkefni,“ sagði Truffert. „Ég fann fyrir trausti félagsins frá fyrstu samtölum okkar og er spenntur fyrir því að hefjast handa."

Tiago Pinto, yfirmaður knattspyrnumála hjá Bournemouth, hrósaði Truffert og sagði: „Adrien er leikmaður sem við höfum haft augastað á í einhvern tíma, og hann bætir mikilli reynslu í hópinn, þrátt fyrir að vera enn ungur. Við erum spennt að vinna með honum og ánægð með að fá leikmann af svona miklum gæðum til okkar."

Á sama tíma eru viðræður í gangi milli Bournemouth og Liverpool um mögulega sölu á varnarmanninum Milos Kerkez. Kaup Bournemouth á Truffert gerir leið Kerkez til Liverpool greiðari.

Our newest recruit in focus ????

— AFC Bournemouth ???? (@afcbournemouth) June 16, 2025