Fjölnir vann góðan 3-1 sigur á Fram í grenjandi rigningu í Grafarvoginum í kvöld. Sigurinn styrkir stöðu Fjölnismanna á toppi Inkasso deildarinnar. Ásmundur Arnarsson var mjög sáttur með sína menn í leikslok.
Lestu um leikinn: Fjölnir 3 - 1 Fram
„Ég er bara gríðarlega ánægður með strákana. Það var mikið vinnuframlag sem fór í þennan leik, Fram er með hörkulið en heilt yfir fannst mér við vera betri aðilinn í leiknum.“
Fjölnismenn eru núna með tveggja stiga forskot á toppi deildarinnar og eru því í kjörstöðu að fara beint aftur upp um deild.
„Stefnan er bara næsti leikur, þessi leikur í dag var mjög opinn en á endanum sanngjarn sigur held ég.“
Félagsskiptaglugginn er opinn og það hafa ekki verið miklar hreyfingar hjá Fjölnismönnum.
„Það er allavega enginn kominn en maður veit aldrei.“
Athugasemdir