Viðar: Megum ekki gleyma því sem við erum búnir að gera

„Hún er nátturlega ekki góð það er hundleiðinlegt að falla og ég finn aðalega til með strákunum , við reyndum eins og við gátum í dag.\"
Sagð Viðar Jónsson eftir tapið gegn ÍR á Hertz vellinum í dag og er ljóst að Leiknir F. eru fallnir.

Leiknir F. áttu frábæran leik í síðustu umferð þar sem þeir unnu Hauka 6-0 fyrir austan og héldu margir að annað ævintýri væri í vændum.

„Við áttum frábæran leik um síðustu helgi og ætluðum að reyna halda þessu opnu í dag en það var svoldið allt loft úr mínum mönnum og því fór sem fór , en ég ræddi við strákanna og ég er mjög stoltur af liðinu við höfum frábær síðustu 4 ár farið upp um tvær deildir og héldum okkur í Inkasso á síðasta ári það er allt í lagi að grenja aðeins yfir þessu en menn mega ekki gleyma því sem þeir eru búnir að gera\"

Fáskrúfsfjörður er ekki stórt bæjarfélag og telur um 650-700 manns og það er mikið afrek fyrir lið eins og Leiknir F. að vera hluti af toppdeildum

„Þetta er lítill klúbbur með hátt hlutfall af heimamönnum að spila og við höfum reynt að halda okkur við það , en eins og ég segi erum við að berjast við af okkar kaliberi við svoldið stærri lið\"

Síðustu 4 ár hafa verið hreint út sagt mögnuð fyrir Leiknir F. og þeir hafa ekki upplifa þessa tilfinningu í langan tíma.

„Eins og ég sagði við strákanna fórum upp úr 3. deild strax upp úr 2.deild enduðum seasonið geggjað í fyrra héldum okkur uppi við höfum verið að fagna hverju seasoninu eftir öðru núna þurfum við bara grenja aðeins en við þurfum samt að muna það við höfum bara verið að fagna hingað til \"

Viðar vill gefa stuðningsmönnunum til baka í síðasta heimaleiknum og gefa þeim sigur í síðasta leik tímabilsins.

„Við eigum heimaleik næst og það er mín ósk að vinna fyrir framan stuðningsmennina okkar sem hafa stutt okkur í gegnum súrt og sætt þannig ég er kannski ekki farinn að hugsa svo langt en auðvita væri gaman að gera góða hluti í annari deildina á næsta ári.\"