Meistaradeild Evrópu fer af stað á morgun og verður spilað á þriðjudag, miðvikudag og fimmtudag. Eins og flestir vita hefur verið tekið upp nýtt fyrirkomulag og er spenna fyrir því hvernig það kemur út.

Riðlakeppnin hefur verið lögð af og deildarkeppni kemur í staðinn. Liðin 36 raða sér á eina stóra stöðutöflu þar sem hvert lið mun leika átta leiki gegn átta mismunandi andstæðingum úr mismunandi styrkleikaflokkum.

Efstu átta liðin í þessari nýju deild tryggja sér beint sæti í 16-liða úrslitum en liðin í sætum 9-24 fara í umspil þar sem leikið verður heima og að heiman.

Frá og með 16-liða úrslitum er hefðbundið fyrirkomulag.