Alex Freyr: Ég er Eyjamaður

Eyjamenn unnu 3-1 þrátt fyrir að spila stærsta hluta leiksins einum manni færri, en þeir voru fallnir niður í Lengjudeildina fyrir leik dagsins.

„Mér fannst við stjórna þessu allan tímann," sagði Alex Freyr í viðtali að leikslokum. „Við erum byrjuð að hugsa um næstu leiktíð, við viljum gera betur. Ég er hrifinn af mörgu sem við erum að gera en mögulega sveigðum við kannski aðeins of langt frá okkar gildum. Það er líka undir leikmönnum komið að sýna smá hjarta og sál og mér fannst við gera það í dag. Vonandi getum við haldið því áfram.

„Axlirnar droppuðu og pressan var ekki og við náðum að spila okkar leik."

Alex Freyr trúir á verkefnið í Vestmannaeyjum og er staðráðinn í að vera áfram hjá félaginu.