Besta deild kvenna: G/N vann nýliðaslaginn í efri hlutanum

Grindavík/Njarðvík og ÍBV mættust í spennandi nýliðaslag í Bestu deild kvenna í dag en bæði lið náðu að tryggja sig í efri hluta deildarinnar fyrir tvískiptingu.

Staðan var markalaus eftir nokkuð tíðindalítinn fyrri hálfleik. Heimakonur voru meira með boltann og sköpuðu hættulegri stöður en áttu erfitt með að koma sér í gott færi.

Síðari hálfleikurinn byrjaði á marki heimakvenna, þegar Tinna Hrönn Einarsdóttir kláraði gott færi af miklu öryggi eftir frábæra fyrirgjöf frá Ásu Björg Einarsdóttur.

Eyjakonur hótuðu jöfnunarmarki og áttu skot í slá áður en heimakonur tvöfölduðu forystuna sína á lokamínútum leiksins. Elísa Birta Káradóttir nýtti sér þá óheppileg mistök í varnarlínu ÍBV til að skora auðvelt mark.

Eyjakonur minnkuðu muninn í uppbótartíma en höfðu ekki tíma til að gera jöfnunarmark, svo lokatölur urðu 2-1.

G/N er í fjórða sæti með 29 stig eftir 22 umferðir, einu stigi á eftir ÍBV. Liðin eiga ekki möguleika á öðru sæti Bestu deildarinnar.