Róbert Orri Þorkelsson lék sínar fyrstu mínútur með norska liðinu Kongsvinger á mánudag. Róbert er þar á láni frá CF Montreal í Kanada og getur norska félagið keypt hann í sumarglugganum.
Róbert, sem er fyrirliði U21 landsliðsins, hefur mikið glímt við meiðsli að undanförnu en er kominn aftur á völlinn.
Róbert, sem er fyrirliði U21 landsliðsins, hefur mikið glímt við meiðsli að undanförnu en er kominn aftur á völlinn.
Síðasti leikur Róberts fyrir leikinn gegn Egersund á mánudag var gegn Charlotte í MLS deildinni þann 24. júní á síðasta ári. Í bland við meiðsli voru tækifærin hjá Motnreal af skornum skammti.
Róbert, sem er örvfættur varnarmaður, kom inn á í stöðunni 1-3 fyrir Egersund þegar rúmlega tuttugu mínútur voru til leiksloka.
Kongsvinger kom til baka á lokakaflanum og náði að fá stig út úr leiknum. Liðið er í 6. sæti norsku B-deildarinnar, með fimm stig eftir þrjá leiki. Næsti leikur liðsins er gegn Levanger um komandi helgi.
Athugasemdir
