17.05.06 - 14:13
Magnús Már Einarsson
Favalli frá Inter til AC Milan (Staðfest)
Favalli í leik gegn AC Milan.
Mynd: Getty Images
Favalli í leik gegn AC Milan.
Mynd: Getty Images
AC Milan hefur fengið varnarmanninn Giuseppe Favalli frá nágrönnum sínum og erkifjendum í Inter en hann kemur á frjálsri sölu. Favalli sem er 34 ára gamall hefur gert tveggja ára samning samkvæmt yfirlýsingu sem kom frá AC Milan í dag.
Þessi fyrrum leikmaður Lazio á átta landsleiki að baki en hann mun hjálpa AC Milan í vinstri bakvarðarstöðunni þar sem liðið hefur átt í smá vandræðum þar sem fyrirliðinn Paolo Maldini hefur átt við hnémeiðsli að stríða.
Það þótti saga til næsta bæjar þegar að leikmenn fóru á milli AC Milan og Inter en í leikmannahópi fyrrnefnda liðsins eru nú fjórir leikmenn sem komu frá Inter. Það eru miðjumennirnir Clarence Seedorf og Andrea Pirlo, varnarmaðurinn Dario Simic auk Favalli.
Það þótti saga til næsta bæjar þegar að leikmenn fóru á milli AC Milan og Inter en í leikmannahópi fyrrnefnda liðsins eru nú fjórir leikmenn sem komu frá Inter. Það eru miðjumennirnir Clarence Seedorf og Andrea Pirlo, varnarmaðurinn Dario Simic auk Favalli.
