Úkraína sigraði gegn Empoli

Úkraínska landsliðið spilaði sinn annan æfingaleik á nokkrum dögum þegar liðið heimsótti Empoli til Ítalíu í dag.

Úkraína er að hita upp fyrir umspilsleik til að komast á HM í Katar í desember og neyðist til að spila við félagslið utan landsliðsglugga FIFA vegna innrásar Rússa.

Úkraína, sem lagði Borussia Mönchengladbach að velli á dögunum, hafði betur gegn Empoli í dag eftir að staðan var jöfn í hálfleik.

Roman Yaremchuk, Oleksandr Karavaev og Oleksandr Pikhalyonok gerðu mörk Úkraínu í kvöld.