Breki Baxter í leik með Keflavík.
Breki gekk í raðir Keflavíkur í vetur.
„Mér fannst þetta fínn leikur," sagði Breki Baxter, leikmaður Keflavíkur, eftir 1-1 jafntefli gegn Stjörnunni í Bestu deildinni í dag.
Breki var að spila gegn sínum gömlu félögum í Stjörnunni en þar eru margir vinir hans.
Breki var að spila gegn sínum gömlu félögum í Stjörnunni en þar eru margir vinir hans.
Lestu um leikinn: Keflavík 1 - 1 Stjarnan
„Mér leið vel. Þetta eru allt mjög góðir vinir mínir. Við spiluðum leik við þá á undirbúningstímabilinu og þá fékk maður að mæta þeim sem ekki liðsfélagi. Þú tekur hlutunum aðeins persónulegri (að mæta gömlu félögunum). Jói reynir að fiska mig út af 5-6 sinnum, eða þrisvar kannski. Þetta er bara fótbolti."
Það var ein tækling í seinni hálfleiknum þar sem Breki fer aðeins hátt með fótinn og Jóhann Árni Gunnarsson var ekki sáttur með hann.
„Ég renn smá og þetta lítur geðveikt illa út. Ég sé að Jói horfir á mig og glottir eiginlega. Síðan byrjar hann að öskra og ég hjó eftir því. Hann brosti og byrjaði aftur öskra. Þetta er bara 'bissness' en hann er mjög góður vinur minn og mér þykir mjög vænt um hann."
Fluttur til Keflavíkur og líður vel þar
Breki gekk í raðir Keflavíkur í vetur frá Stjörnunni eftir að hafa leikið vel með ÍBV á láni síðasta sumar. Hann hefur farið vel af stað með Keflavík.
„Þetta er búið að vera mjög fínt. Ég bý hérna núna, er í vinnu og fólkið hefur tekið vel á móti mér. Þetta hefur farið ágætlega af stað, ég hefði viljað vera með 10-13 stig en frammistaðan hefur verið fín og við höldum þessu áfram."
Breki er að koma sér vel fyrir í Keflavík og er að vinna með boltanum, halda sér uppteknum.
„Ég er á sambýli og er líka að vinna í skóla. Maður reynir að vera upptekinn, ég vil vera upptekinn."
Allt viðtalið má sjá í spilaranum hér að ofan.
