Sjá einnig:
Steini hálfdapur eftir leik - „Þorðum ekki að spila boltanum"

Dagný Brynjarsdóttir spilaði sem djúpur miðjumaður í leiknum og var hún til viðtals í gær. Hún var spurð út í sína frammistöðu á mótinu.

„Ég væri alveg til í að hafa kannski verið meira á boltanum. Ég man ekki eftir því að hafa spilað fótboltaleik þar sem ég hef snert boltann jafnlítið og á móti Ítalíu. Í þeim leik var boltinn svolítið að fara yfir miðjuna báðu megin: Ítalía að sparka á framherjana og varnarlínan okkar að sparka yfir miðjuna," sagði Dagný.

„Varnarlega er ég búin að vera ánægð með frammistöðuna en ég væri til í að hafa verið meira á boltanum og sem lið hefði ég verið til í að halda aðeins betur í boltann - ná að tengja fleiri sendingar. Ef við erum að verjast mikið og hlaupa mikið þá erum við náttúrulega ótrúlega þreyttar þegar við erum loksins að fara sækja. Vonandi getum við bætt það á móti Frökkunum."

Hvað var sagt í klefanum eftir leikinn á móti Ítalíu?

„Við fórum aðeins yfir hvað var gert vel og hvað þarf að fara betur. Við vitum á móti Frökkunum, þó að ég var að segja að ég væri til í að hafa verið meira á boltanum, þá held ég að á móti Frakklandi verð ég ekki meira með boltann þar sem þær verða örugglega mestmegnis með boltann. Þá snýst þetta kannski aðallega um að við spilum góðan varnarleik. En við munum fáum fæ færin og þá snýst þetta um að nýta færin og að við pössum markið okkar," sagði Dagný.

Leikurinn á móti Frakklandi fer fram á morgun og hefst klukkan 19:00 á íslenskum tíma. Viðtalið við Dagnýju má sjá í heild sinni hér að neðan.