Þýskaland: Bayern hljóp yfir Leverkusen í fyrri hálfleik

Leverkusen tók á móti Bayern Munchen í toppslag í þýsku úrvalsdeildinni í dag.

Markamaskínan Robert Lewandowski kom Bayern yfir strax á 4. mínútu og bætti öðru marki við eftir hálftíma leik. Á þriggja mínútna kafla undir lok fyrri hálfleiks skoraði Bayern þrjú mörk, Muller með eitt og Gnabry tvö.

5-0 í hálfleik, Patrick Schick, stjarna Tékklands á EM í sumar klóraði í bakkann fyrir Leverkusen í síðari hálfleik en nær komust heimamenn ekki.

Bayern er á toppnum, stigi á undan Dortmund og þremur stigum á undan Leverkusen.