17.10.26 - 21:28
Ívan Guðjón Baldursson
Táningar opnuðu markareikninginn í Bestu með stórglæsilegum mörkum
Mynd: Fótbolti.net - Sævar Geir Sigurjónsson
Mynd: Fótbolti.net - Sævar Geir Sigurjónsson
Þór vann gríðarlega mikilvægan sigur á Stjörnunni í neðri hluta Bestu deildarinnar í dag.
TENGT EFNI
Siggi Höskulds: Tók smá blástur í hálfleik - Ungir markaskorarar
Akureyringar unnu 3-1 og voru markaskorarar liðsins allir á táningsaldri. Tveir þeirra opnuðu markareikninga sína í Bestu deildinni með stórglæsilegum mörkum áður en Þorri Ingólfsson skoraði sitt annað mark á deildartímabilinu.
Fyrst skoraði 18 ára Ásbjörn Líndal Arnarsson með föstu skoti beint úr aukaspyrnu en gestirnir úr Garðabæ jöfnuðu metin.
Næst var komið að Sverri Páli Ingasyni sem setti boltann í netið eftir glæsilegt einstaklingsframtak þar sem hann kom inn af hægri kantinum og lék á tvo Garðbæinga áður en hann skoraði. Sverrir Páll er 17 ára gamall en á átjánda aldursári.
Að lokum innsiglaði Þorri Ingólfsson sigurinn, en hann fagnaði 17 ára afmæli í ágúst og er því yngstur af strákunum þremur. Þetta var þó ekki hans fyrsta mark í Bestu deildinni á tímabilinu.
Ljóst þykir að framtíðin er björt á Akureyri en 2. flokkur Þórs varð Íslandsmeistari og sýndi flotta frammistöðu í Evrópukeppni unglingaliða.
Mörkin má sjá á Instagram síðu Bestu deildarinnar, eða hér örlítið neðar.
Fyrst skoraði 18 ára Ásbjörn Líndal Arnarsson með föstu skoti beint úr aukaspyrnu en gestirnir úr Garðabæ jöfnuðu metin.
Næst var komið að Sverri Páli Ingasyni sem setti boltann í netið eftir glæsilegt einstaklingsframtak þar sem hann kom inn af hægri kantinum og lék á tvo Garðbæinga áður en hann skoraði. Sverrir Páll er 17 ára gamall en á átjánda aldursári.
Að lokum innsiglaði Þorri Ingólfsson sigurinn, en hann fagnaði 17 ára afmæli í ágúst og er því yngstur af strákunum þremur. Þetta var þó ekki hans fyrsta mark í Bestu deildinni á tímabilinu.
Ljóst þykir að framtíðin er björt á Akureyri en 2. flokkur Þórs varð Íslandsmeistari og sýndi flotta frammistöðu í Evrópukeppni unglingaliða.
Mörkin má sjá á Instagram síðu Bestu deildarinnar, eða hér örlítið neðar.
