U17 sigraði Kasakstan í lokaleik undanriðilsins

U17 landslið kvenna lauk keppni í öðru sæti fyrsta undanriðils fyrir EM á næsta ári eftir sigur gegn Kasakstan á dögunum.

Bríet Fjóla Bjarnadóttir, sem hefur verið að gera frábæra hluti með Þrótti R. í sumar, og Hafdís Nína Elmarsdóttir skoruðu mörkin.

Ísland endar riðilinn því með sex stig eftir þrjár umferðir. Stelpurnar töpuðu naumlega gegn Þýskalandi eftir að hafa sigrað Tékkland 3-0 í fyrstu umferð.

Þetta þýðir að Ísland heldur áfram í A-deild undankeppninnar þegar seinni umferðin fer fram í vor.