Frammistaða Arsenal hefur verið sveiflukennd í upphafi tímabils og telur breska blaðið Mirror að Mikel Arteta, stjóri Arsenal, gæti leitað út á markaðinn í janúarglugganum. Fimm leikmenn sem gætu verið á blaði eru þar nefndir.
Houssem Aouar - Þessi 22 ára miðjumaður Lyon var sterklega orðaður við Arsenal í sumar. Verðmiðinn á honum er pottþétt hár en hann er með sköpunarmátt sem gæti hjálpað Arsenal mikið.
Jack Grealish - Talandi um sköpunarmátt. Grealish hefur hlotið verðskuldað lof fyrir frammistöðu sína með Aston Villa og er að stimpla sig vel inn hjá enska landsliðinu.
Jerome Boateng - Yfirgefur Bayern München eftir tímabilið en varnarmaðurinn reynslumikli má hefja viðræður við önnur félög á nýju ári.
Dominik Szoboszlai - Ungverjinn ungi sem gerði út um EM vonir okkar Íslendinga. Frammistaða hans með Red Bull Salzburg hefur vakið mikla athygli.
Brenner - Tvítugur Brasilíumaður sem hefur skorað 17 mörk í 27 leikjum fyrir Sao Paulo og gæti komið með nýja tóna í sóknarleik Arsenal.
Athugasemdir