Jeppe Opstrup í Hött (Staðfest)

Jeppe skoraði tíu mörk í fimmtán leikjum fyrir Huginn í annarri deildinni árið 2006 og hann var í kjölfarið valinn í lið ársins af fyrirliðum og þjálfurum.

Á síðustu leiktíð settu meiðsli strik í reikninginn hjá Jeppe en hann skoraði átta mörk í jafnmörgum leikjum í þriðju deildinni.

Jeppe mun væntanlega fá það hlutverk hjá Hetti að fylla skarðið sem Denis Curic skilur eftir sig. Curic gekk til liðs við Hauka á dögunum en hann lék vel í annarri deildinni á síðustu leiktíð og skoraði sjö mörk.

Sem stendur æfir og keppir hinn 23 ára gamli Jeppe í heimalandi sínu en hann mun koma til Egilsstaða um páskana og æfa með Hetti.