Heimild: Vísir
Ólafur Kristjánsson var í einhverjum vandræðum með bindið sitt þegar hann var sérfræðingur í setti í kringum leiki gærdagsins á EM.
Ólafur var ekki með bindi í upphafi útsendingar en var mættur með bindi seinna í útsendingunni. Gumni Ben, þáttarstjórnandi, spurði Ólaf út í þetta.
Ólafur var ekki með bindi í upphafi útsendingar en var mættur með bindi seinna í útsendingunni. Gumni Ben, þáttarstjórnandi, spurði Ólaf út í þetta.
„Þarna er verið að vinna pínulítið með blátt í blátt eins og þú sérð Guðmundur. Þetta er klassískt dæmi um það þegar miðaldra karlmaður í tímaþröng milli leikja er að reyna klæða sig, ekki bara í myrkri heldur í spegilslausu herbergi. Hleypur svo inn í útsendingu og enginn segir neitt,“ sagði Ólafur um þetta spaugilega atvik.
Ólafur bar bindið á óhefðbundinn hátt.
„Ég gat sagt þér það líka frá því þetta gerðist hér rétt fyrir klukkan sjö er ég búinn að vera á internetinu. Ég ætlaði að reyna finna einhvern annan sem hefur verið með bindið svona og ég er ekki enn búinn að finna neinn með bindið svona,“ sagði Guðmundur.
Umræðuna má sjá í spilaranum hér að neðan.
Athugasemdir