Riccardo Calafiori á æfingu ítalska landsliðsins.
Fabio Capello.
Fabio Capello, fyrrum landsliðsþjálfari Ítalíu, telur að Riccardo Calafiori varnarmaður ítalska landsliðsins gæti átt feril á borð við Sergio Ramos.
Calafiori er 22 ára miðvörður sem átti frábært tímabil með Bologna og fékk lof fyrir frammistöðu sína þegar Ítalía vann Albaníu á laugardag.
Það verður stórt próf fyrir Calafiori á fimmtudag þegar ítalska landsliðið mætir því spænska.
Calafiori er 22 ára miðvörður sem átti frábært tímabil með Bologna og fékk lof fyrir frammistöðu sína þegar Ítalía vann Albaníu á laugardag.
Það verður stórt próf fyrir Calafiori á fimmtudag þegar ítalska landsliðið mætir því spænska.
„Næsta próf er kallað Alvaro Morata, sem skoraði gegn Króatíu. Hann virkar stundum á mann eins og hann sé smá latur en hann er virkilega öfugur," segir Capello.
„Calafiori og Alessandro Bastoni léku vel á laugardaginn og fengu líka gott skjól frá Nicolò Barella. Ég er hrifinn af Calafiori, þetta virkaði ekki eins og fyrsti leikurinn hans á stórmóti. Hann minnir mig á ungan Sergio Ramos. Ég var þjálfari Ramos hjá Real Madrid 2006-07. Calafiori var vanur því að spila sem bakvörður og breyttist svo í hafsent."
Ramos er einn allra besti miðvörður seinni ára í heimsfótboltanum og því ekki leiðum að líkjast.
„Eini efinn sem ég hef varðandi Bastoni og Calafiori er hraðinn þeirra einn gegn einum þegar þeir glíma við hraða sóknarmenn."
Athugasemdir
