Höskuldur Eiríksson aftur í Víking R. (Staðfest)

Höskuldur hefur átt við mikil meiðsli að stríða síðan hann fór til Viking á láni í mars og ekki náð að spila í norsku deildinni. Hann er byrjaður að pakka niður í töskur og ætti að geta spilað næsta leik Víkings í Landsbankadeildinni, gegn Fram eftir viku.

Höskuldur hefur verið fyrirliði Víkings undanfarin ár en hann lék alla leiki liðsins í Landsbankadeildinni í fyrra.

Það að Höskuldur komi aftur til Víkings er mikill styrkur fyrir liðið sem er sem stendur með níu stig í áttunda sæti Landsbankadeildarinnar.