Féll á læknisskoðun hjá Sunderland

Sunderland náði samkomulagi við Toulouse um kaupverð fyrir Frakkann sem hljóðar upp á rúmlega 30 milljónir evra.

Méthalie er vinstri bakvörður að upplagi en getur einnig leikið sem miðvörður og á vinstri kanti.

Sunderland er mjög spennt fyrir leikmanninum og ætlar ekki að gefast upp þrátt fyrir misheppnaða læknisskoðun. Sky Sports segir að Méthalie muni gangast undir ítarlegri læknisskoðanir á næstu dögum, en Juventus, AC Milan, Lille og Bayer Leverkusen eru einnig sögð vera áhugasöm auk ýmissa félagsliða úr ensku úrvalsdeildinni.

Méthalie er tvítugur og með tólf leiki að baki fyrir yngri landslið Frakklands.