Pep Guardiola, stjóri Manchester City, tjáði sig um Phil Foden á fréttamannafundi sínum í dag.

Foden var rekinn úr enska landsliðshópnum á dögunum eftir að hann og Mason Greenwood brutu sóttvarnarreglur með því að bjóða tveimur íslenskum stelpum á hótel enska landsliðsins.

„Á þessum þremur eða fjórum dögum sem við höfum verið saman að undanförnu sé ég að hann veit að hann gerði mistök. Það er allt sem ég hef að segja," sagði Guardiola.