Martínez kjálkabrotnaði í sigrinum - Fór beint í aðgerð

Martínez og Jarrad Branthwaite, varnarmaður Everton, lentu í harkalegu samstuði eftir aukaspyrnu Everton um miðjan síðari hálfleik með þeim afleiðingum að markvörður Chelsea lá eftir í teignum og komst ekki aftur á fætur.

Hann var borinn af velli á sjúkrabörum og fluttur á sjúkrahús til frekari rannsókna. Þar kom í ljós að hann hafði bæði fengið heilahristing og kjálkabrotnað og þurfti að gangast undir aðgerð.

Chelsea hefur nú staðfest að aðgerðin hafi gengið vel.

„Markvörðurinn Emiliano Martínez hefur gengist undir vel heppnaða aðgerð vegna kjálkabrots sem hann hlaut í samstuði um miðjan síðari hálfleik í 2-0 sigrinum á Everton á Hill Dickinson-leikvanginum á laugardag.“

„Martínez var fluttur á sjúkrahús til frekari rannsókna þar sem kjálkabrot greindist og ljóst varð að hann þyrfti að gangast undir aðgerð.“

„Allir hjá Chelsea óska Emi skjóts bata og munu styðja hann í gegnum bataferlið,“ segir í yfirlýsingu félagsins.

Martínez tjáði sig sjálfur um meiðslin á samfélagsmiðlum og staðfesti að hann yrði frá keppni næstu vikurnar.

„Mikilvægast er að við náðum í þrjú stig og héldum hreinu. Ég kem aftur eftir nokkrar vikur,“ sagði markvörðurinn.

Chelsea Football Club has released the following update on Emiliano Martinez.

— Chelsea FC (@ChelseaFC) October 18, 2026