18.10.26 - 15:52
Brynjar Ingi Erluson
Arnór með sigurmark á lokasekúndunum - Tómas Bent fékk stóran skell
Arnór Sig skoraði sigurmarkið á lokasekúndum leiksins
Mynd: Fótbolti.net - Helgi Þór Gunnarsson
Arnór Sig skoraði sigurmarkið á lokasekúndum leiksins
Mynd: Fótbolti.net - Helgi Þór Gunnarsson
Skagamaðurinn Arnór Sigurðsson var hetja nýliða Kalamata þegar liðið vann 4-3 sigur á bikarmeisturum OFI Crete í grísku úrvalsdeildinni í dag.
Arnór byrjaði á bekknum hjá Kalamata en kom inn á 63. mínútu þegar lið hans var með tveggja marka forystu.
OFI Crete tókst hins vegar að vinna sig aftur inn í leikinn og jafnaði metin með tveimur mörkum á aðeins níu mínútum. Allt stefndi í jafntefli þegar Arnór steig fram og tryggði Kalamata sigurinn á dramatískan hátt.
Aðeins nokkrar sekúndur voru eftir þegar Julian Bonetto sendi boltann inn fyrir vörnina á Arnór sem skoraði sigurmarkið.
Þetta var jafnframt fyrsta mark Arnórs fyrir félagið síðan hann gekk til liðs við Kalamata frá Malmö í sumar.
Með sigrinum fór Kalamata upp fyrir OFI Crete og í sjötta sæti deildarinnar með tíu stig.
Tómas Bent Magnússon lék síðari hálfleikinn með Hearts sem steinlá 7-1 fyrir ríkjandi deildarmeisturum Celtic.
Celtic var þegar komið í 5-1 í hálfleik og bætti við tveimur mörkum í þeim síðari. Liðið situr á toppi deildarinnar með 24 stig en Hearts er í þriðja sæti með 16 stig.
OFI Crete tókst hins vegar að vinna sig aftur inn í leikinn og jafnaði metin með tveimur mörkum á aðeins níu mínútum. Allt stefndi í jafntefli þegar Arnór steig fram og tryggði Kalamata sigurinn á dramatískan hátt.
Aðeins nokkrar sekúndur voru eftir þegar Julian Bonetto sendi boltann inn fyrir vörnina á Arnór sem skoraði sigurmarkið.
Þetta var jafnframt fyrsta mark Arnórs fyrir félagið síðan hann gekk til liðs við Kalamata frá Malmö í sumar.
Með sigrinum fór Kalamata upp fyrir OFI Crete og í sjötta sæti deildarinnar með tíu stig.
Tómas Bent Magnússon lék síðari hálfleikinn með Hearts sem steinlá 7-1 fyrir ríkjandi deildarmeisturum Celtic.
Celtic var þegar komið í 5-1 í hálfleik og bætti við tveimur mörkum í þeim síðari. Liðið situr á toppi deildarinnar með 24 stig en Hearts er í þriðja sæti með 16 stig.
