Skoski miðjumaðurinn Scott McTominay skoraði algerlega sturlað mark er hann kom Skotum yfir á móti Dönum í úrslitaleik um sæti á HM nú rétt í þessu.
Skotar þurfa sigur á móti Dönum til að komast á HM og byrjar þetta ágætlega vel hjá heimamönnum.
Strax á 3. mínútu skoraði McTominay eitt flottasta mark undankeppninnar. Ben Doak kom með fyrirgjöfina frá hægri vængnum inn á teiginn á McTominay sem kastaði sér upp í loftið, átti þessa stórkostlegu bakfallsspyrnu og stýrði boltanum neðst í vinstra hornið.
Bakfallsspyrna sem minnti rosalega á þegar Cristiano Ronaldo skoraði fyrir Real Madrid á móti Juventus um árið, en markið má sjá hér fyrir neðan.
Staðan er 1-0 fyrir Skotum sem mun duga til að komast á HM, en Danir þurfa jöfnunarmark til að tryggja sæti sitt.
Sjáðu markið hér
Athugasemdir
