Football365 tók saman lista yfir tíu fyrrum leikmenn úr ensku úrvalsdeildinni sem væri gaman að hafa enn í deildinni. Þetta eru leikmenn sem eru enn að spila utan Englands en myndu gefa enska boltanum enn meiri lit.
10. Chris Samba - Það var líklega rétt hjá honum að yfirgefa Blackburn og elta peningana til Rússlands. Var þó einn besti varnarmaður ensku deildarinnar þegar Mark Hughes var með Blackburn.
9. Arjen Robben - Óhemju sigursæll á þremur árum sínum hjá Chelsea. Hæfileikaríkur leikmaður sem skemmti áhorfendum.
8. Olof Mellberg - Var sem klettur í vörn Aston Villa. Svíinn síkáti er í dag í herbúðum Villarreal.
7. Luka Modric - Er sárt saknað hjá Tottenham. Leikmaður sem sýndi snilli sína helgi eftir helgi.
6. Nigel De Jong - Sendingahæfileikar hans féllu oft í skuggann á tæklingunum. Drjúgur leikmaður sem gerði mikið fyrir Manchester City.
5. Javier Mascherano - Allir hafa skoðun á Mascherano! Var frábær á miðju Liverpool tímabilið 2008/09 og leiðinlegt að missa hann úr enska boltanum.
4. Cesc Fabregas - Er aðeins 25 ára í dag en lék yfir 300 leiki með Arsenal. Eina jákvæða við að missa hann úr enska boltanum var að losna við fréttir þar sem hann var sífellt orðaður við Barcelona.
3. Didier Drogba - Ákaflega umdeildur en einnig ákaflega góður. Leikmaður sem var til umræðu á kaffistofunum alla mánudaga.
2. Xabi Alonso - Fór frá Liverpool þegar enn var heilmikið á tanknum. Leikmaður sem öll lið í heimi geta notað.
1. Cristiano Ronaldo - Tók sífelldum framförum hjá Manchester United og er í dag að margra mati einn besti leikmaður sögunnar. Vann enska titilinn þrívegis á síðustu árum sínum á Old Trafford.
Athugasemdir
