Byrjunarlið Breiðabliks: Ein breyting frá sigrinum

Breiðablik mætir Strasbourg á Stade de Le Meinau klukkan 20:00. Um leik í lokaumferð Sambandsdeildarinnar að ræða og þarf Breiðablik að vinna til að eiga möguleika á sæti í umspilinu.

Breiðablik vann 3-1 sigur á Shamrock Rovers fyrir viku síðan og Ólafur Ingi Skúlason gerir eina breytingu frá því liði.

Kristinn Jónsson kemur inn fyrir Aron Bjarnason sem tekur sér sæti á bekknum. Davíð Ingvarsson, sem var í vinstri bakverði gegn Shamrock, færist upp á vinstri kantinn og tekur stöðu Arons.