Aðstoðarmenn Hodgson stýra Crystal Palace í kvöld

Roy Hodgson er að glíma við veikindi en hann var fluttur á sjúkrahús í síðustu viku. McCarthy og Lewington eru aðstoðarmenn Hodgson en þeir stýra skútunni í kvöld.

Palace hafði ætlað sér að reka Hodgson síðasta fimmtudag og ráða Þjóðverjann Oliver Glasner í staðinn, en þær fréttir hafa þurft að bíða eftir að Hodgson veiktist.

Líðan Hodgson er sögð stöðug en hann stýrir Palace auðvitað ekki í kvöld.

Möguleiki er á að Glasner verði í stúkunni í kvöld en hann er sagður vera búinn að skrifa undir samning sem gildir til 2026. Ekki hefur enn verið tilkynnt formlega um ráðningu hans.