Þýskaland: Langþráður sigur hjá Union - Fimm stigum frá toppnum

Union Berlin vann langþráðan sigur í dag þegar Eintracht Frankfurt kom í heimsókn.

Heimamenn voru lengi vel á toppi deildarinnar í Þýskalandi en hafa verið að gefa eftir að undanförnu. Liðið féll úr leik í Evrópudeildinni á fimmtudaginn og þá liðið unnið einungis einn leik af síðustu átta.

Frankfurt gat farið að narta í hælanna á Union með sigri en markalaust var í leikhléi.

Heimamenn kláruðu dæmið í þeim síðari en Rani Khedira og Kevin Behrens sáu til þess að Union náði loksins að vinna leik. Mjög mikilvægur sigur sem heldur liðinu í baráttunni.

Dortmund er í efsta sæti deildarinnar en Uniona er í því þriðja, fimm stigum á eftir þeim gulklæddu. Frankfurt er í sjötta sæti deildarinnar, átta stigum á eftir Union.