Fótbolti.net

Katla: Er alltaf að segja henni að koma og spila með íslenska landsliðinu

Sölvi Geir: Skotmarkið á okkur er stærra og við þurfum að gera meira

Arna Eiríks klár í slaginn: Ekki alveg þessi týpísku meiðsli

Gísli Eyjólfs: Hefði verið rómantík að fá að enda ferlana saman

Spáin kom Sigga á óvart: Eina sem þetta gerir er að henda bensíni á klúbbinn

Haraldur Freyr: Ætlum að ná í sigur í Frostaskjóli

Jói Kalli: Spurning hvort það verði Landeyjahöfn eða Þorlákshöfn

Ísak nýr fyrirliði FH: Var einn af þeim yngri en orðinn einn sá elsti

Kosinn bestur fyrir mót - „Stoltur og pínu kitl að leikmenn kjósi mann"

Hemmi segist elska Brazell - „Alltaf eitthvað blaður og bull“

Álitið - Hver fer í agabann?

Þrjú slit og fimm aðgerðir á milli marka - „Maður er svolítið eins og krakki aftur"

Bestur í Mjólkurbikarnum: Ferðalagið viðbjóður en er enginn sjómaður

Fer yfir leikinn sögulega - „Veit ekki hvað Jói Kalli hefði gert væri hann þarna“

Álitið - Hvað mun koma mest á óvart?

Ægir Jarl ræðir heimkomuna - „Kitlar rosalega að ná að spila“

Gunnar Már: Ætlum okkur stóra hluti í sumar

Arnór Ingvi: Hefðum viljað spila á Meistaravöllum og fá smjörþefinn af því sem koma skal

Óskar Hrafn: Leggst yfir okkur hræðsla sem við höfum ekki fundið fyrir í vetur

Frammistaðan ekki áhyggjuefni - „Skal hundur heita ef það verður skorað flottara mark í sumar“

fim 19. mars 2026 17:00

Kári Snorrason

„Fór frá því að spila yfir í það að mega ekki vera með á æfingum“

Markús skrifaði undir fjögurra ára samning við Skagamenn.

Mynd: ÍA

Rifti samningi sínum við Triestina í upphafi mánaðar.

Mynd: Triestina

Markús Páll Ellertsson gekk til liðs við ÍA í upphafi mánaðar eftir að hafa rift samningi sínum við Triestina á Ítalíu.

Markús Páll er sóknarmaður fæddur árið 2006 og er uppalinn hjá Fram. Hann er yngri bróðir landsliðsmannsins Mikaels Egils sem spilar með Genoa á Ítalíu.

Eftir tímabilið 2024 með Fram í Bestu deildinni samdi hann við Triestina. Samkvæmt Transfermarkt hafði Markús spilað fjóra leiki með Triestina í Serie C áður en hann rifti samningi sínum. Fótbolti.net ræddi við Markús í tilefni heimkomunnar.

06.03.2026 13:40

Markús Páll gerir fjögurra ára samning við ÍA (Staðfest)

„Það byrjaði eiginlega allt að ganga illa í janúar. Nýr þjálfari kom inn og ég fór frá því að spila yfir í það að mega ekki vera með á æfingum. Það var komið á þann stað að ég þurfti að ákveða næsta skref,“ sagði Markús aðspurður um hvernig það hafi komið til að hann fór upp á Skaga.

Fékstu einhverjar útskýringar?
„Nei, það er góð spurning. Yfirmaður fótboltamála, sem fékk mig inn, var látinn fara og það kemur nýr inn og hann var með aðra sýn á þessu. Það er erfitt að segja til um þetta.“

Hvernig geriru þessa Ítalíudvöl upp?
„Maður lærði fullt þarna úti. Fékk að búa einn í fyrsta skipti, þurfti að sjá um sjálfan mig. Maður lærði af þessu þó að þetta hafi ekki farið eins og ég hafi viljað. Þetta er upp og niður. Það var mjög leiðinlegt að þurfa að enda þetta svona.“

Spennandi sumar á Skipaskaga
„Það eru spennandi hlutir að gerast þarna. Þeir eru með nýja aðstöðu og búnir að gera góð kaup á undirbúningstímabilinu. Ég ætla ekki að setja neinar væntingar á okkur. En ég er spenntur að sjá hvernig okkur mun ganga.“

Áttiru í viðræðum við fleiri lið?
„Það var einhver önnur lið sem komu til greina en ég nenni ekki að vera fara út í það. Þetta gerðist frekar hratt, ég rifti 2. mars og Ingimar framkvæmdastjóri ÍA var snöggur að hringja í mig og spurði hvernig staðan væri og ég tók fund með þeim.“