Pétur Pétursson, þjálfari Vals
„Mér fannst við spila þennan leik mjög vel. Mér fannst boltinn ganga mjög vel og mikið af góðum hreyfingum í dag. Mér fannst sóknarleikurinn okkar vera miklu betri heldur en hefur verið." sagði Pétur Pétursson eftir 9-1 sigur á móti KR í Bestu deild kvenna í dag.
Lestu um leikinn: Valur 9 - 1 KR
Hvernig lögðuð þið leikinn upp?
„Við ætluðum bara að spila okkar leik í dag eins og við vorum að gera í fyrra, pressa mikið en við gerðum það ekki alveg nógu vel í fyrri hálfleik en við gerðum það vel í seinni hálfleik."
Aðspurður hvort honum finnist deildin vera að spilast í takt við væntingar hafði hann þetta að segja: „Ég held að þessi deild verði allt öðruvísi heldur en hefur verið undanfarin ár. Ég er nokkuð viss um það."
Næsti leikur er við Breiðablik og búast má við hörku leik.
Hvernig leggst næsti leikur í þig?
„Bara vel, það er alltaf gaman að spila á móti Breiðablik. Það eru alltaf skemmtilegir leikir og töff leikir fyrir bæði lið þannig það verður bara skemmtilegt."
Athugasemdir
