FH gerði 0-0 jafntefli við Lahiti í Kaplakrika í kvöld eftir að hafa unnið úti í Finnlandi 0-3. FH er því komið áfram í 2. umferð forkeppni Evrópudeildarinnar þar sem þeir mæta Apoel Haifa. Viðar Ari Jónsson leikmaður FH fannst liðið klára einvígið mjög vel.
Lestu um leikinn: FH 0 - 0 Lahti
„Við komum virkilega vel út úr fyrri leiknum, setjum þrjú mörk á útivelli og vissum það í kvöld að við vorum með forrystu. Mér fannst við gera virkilega vel og klára dæmið mjög fagmannlega."
Viðar Ari hefur spilað stórt hlutverk og spilaði í varnarlínu með Hirti Loga, Eddi Gomes og Rennico Clarke í kvöld. Viðari fannst sú varnarlína vera að virka mjög vel.
„Mér fannst hún virka mjög vel í kvöld, þeir fá enga sénsa og við náðum að loka öllu sem þeir voru að gera."
Viðar Ari er á láni frá Brann og var fyrst bara samið um að hann yrði þangað til í Júlí en hann segir það möguleika að hann verði út tímabilið.
„Það eru einhverjar viðræður í gangi þannig að satt að segja er þetta enn að skýrast. Það gæti verið að ég fari aftur út eða verði áfram en það kemur allt í ljós á næstu dögum."
Viðar segist vera til í að vera áfram út tímabilið enda sé hann að spila alla leiki í flottu liði en segir einnig að hann gæti farið til Brann ef hann sér fram á að spila hjá sínu liði.
„Þetta er svolítið erfitt, það er mjög gott að vera hér og spila alla leiki í deild og í evrópukeppni og vera með mikilvægt hlutverk. Aftur á móti er Brann félagsliðið sem ég er skráður hjá og það væri gott að fá að spila þar."
Athugasemdir