Besta deildin: KR rúllaði yfir Stjörnuna

KR vann stórsigur á Stjörnunni í dag og minnkaði forskot Víkings á toppnum niður í fimm stig en KR hefur spilað einum leik meira.

Aron Sigurðarson kom boltanum í netið eftir stundafjórðung en var dæmdur rangstæður. Eiður Gauti Sæbjörnsson komst síðan í gott færi en fór illa með það og skaut framhjá.

KR náði forystunni stuttu síðar þegar Arnór Ingvi Traustason skallaði boltann í netið eftir fyrirgjöf frá Galdri Guðmundssyni.

Eiður Gauti bætti öðru markinu við stuttu síðar þegar hann fylgdi á eftir skoti frá Luke Rae sem Árni Snær Ólafsson varði út í teiginn. Eiður Gauti bætti öðru marki sínu við og þriðja marki KR snemma í seinni hálfleik og Aron Sig bætti fjórða markinu við stuttu síðar.

Aron innsiglaði síðan sigur KR með sínu 16. marki í sumar og hann nálgast markametið.

KR er í 2. sæti með 35 stig en Stjarnan er í 8. sæti með 15 stig.