Lengjudeild kvenna: Gengur ekkert hjá Haukum eftir komu Söru Bjarkar

Það gengur hvorki né rekur hjá Haukum eftir að Sara Björk Gunnarsdóttir sneri aftur í uppeldisfélagið.

Liðið tapaði gegn Selfyssingum í kvöld. Haukar hafa aðeins nælt í eitt stig úr þremur leikjum sem Sara Björk hefur spilað.

Staðan var markalaus í hálfleik en Valgerður Ósk Valsdóttir varð fyrir því óláni að skora sjálfsmark og koma Selfossi yfir snemma í seinni hálfleik. Stevie Madonna Reynolds innsiglaði sigur liðsins.

Þetta var sterkur sigur hjá Selfyssingum sem höfðu tapað tveimur leikjum í röð. Liðið er í 4. sæti með 19 stig, stigi á undan Haukum sem eru í 5. sæti.