Byrjunarlið KR og Stjörnunnar: Nýir leikmenn mæta til leiks hjá báðum liðum

Óskar Hrafn gerir eina breytingu frá 5-2 sigrinum á ÍBV í síðustu umferð. Ástbjörn Þórðarson fer út úr liðinu en inn í hans stað kemur Gabríel Hrannar sem tók út bann eftir að hafa hlotið rautt spjald gegn Þór Akureyri. Jason Daði Svanþórsson er í leikmannahópi KR í fyrsta sinn en hann byrjar leikinn á bekknum.

Jón Þór gerir sex breytingar á sínu liði frá 2-2 jafnteflinu gegn FH í síðustu umferð. Þeir sem koma inn í byrjunarliðið í dag eru þeir Daníel Finns, Bjarki Hauksson, Sigurður Gunnar, Alex Þór, Árni Vill og Andri Rúnar. Ari Leifsson er á bekknum en hann og Árni Vill fengu leikheimild á dögunum og spila því sinn fyrsta leik fyrir Stjörnuna í dag. 

Stjarnan komst auðvitað áfram í undankeppni Sambandsdeildarinnar og má því búast við að Jón Þór sé aðeins að hvíla menn fyrir komandi leiki þar. Birnir Snær og Emila Atlason eru á meðal þeirra sem eru á bekknum í dag en þeir eru lykilmenn í liði Stjörnunnar.