Heimild: Dr. Football
Jónatan Ingi Jónsson, leikmaður Vals, er í hlaðvarpsþættinum Dr. Football orðaður við KR. Frá þessu segir Hjörvar Hafliðason. Fótbolti.net hefur heyrt sömu sögu.
„Áhugaverð tíðindi sem ég heyrði meira í kaffispjalli, en ku vera fótur fyrir, Jónatan Ingi er sagður vilja fara í KR," segir Hjörvar í þættinum. „Samkvæmt því sem maður heyrir í hans nánasta umhverfi vill Jónatan fara frá Val og vill fara í KR. Þetta er í umræðunni, þetta eru sögsagnir, ekkert staðfest. Það er mánuður síðan ég heyrði af þessu fyrst, það er eitthvað til í þessu," bætti Hjörvar við.
„Óskar reyndi að fá Jónatan í Breiðablik þegar hann var í FH," segir FH-ingurinn Siggi Bond. Jónatan er uppalinn í FH og var keyptur til Sogndal fyrir tímabilið 2022. Óskar Hrafn Þorvaldsson var þá þjálfari Breiðabliks en hann er í dag þjálfari og yfirmaður fótboltamála hjá KR.
„Áhugaverð tíðindi sem ég heyrði meira í kaffispjalli, en ku vera fótur fyrir, Jónatan Ingi er sagður vilja fara í KR," segir Hjörvar í þættinum. „Samkvæmt því sem maður heyrir í hans nánasta umhverfi vill Jónatan fara frá Val og vill fara í KR. Þetta er í umræðunni, þetta eru sögsagnir, ekkert staðfest. Það er mánuður síðan ég heyrði af þessu fyrst, það er eitthvað til í þessu," bætti Hjörvar við.
„Óskar reyndi að fá Jónatan í Breiðablik þegar hann var í FH," segir FH-ingurinn Siggi Bond. Jónatan er uppalinn í FH og var keyptur til Sogndal fyrir tímabilið 2022. Óskar Hrafn Þorvaldsson var þá þjálfari Breiðabliks en hann er í dag þjálfari og yfirmaður fótboltamála hjá KR.
Jónatan Ingi, sem er fæddur 1999, gekk í raðir Vals frá norska félaginu Sogndal fyrir tímabilið 2024. Hann er samningsbundinn Val út tímabilið 2027. Jónatan skoraði ellefu mörk í Bestu deildinni í fyrra og lagði upp níu. Á liðnu tímabili skoraði hann sex mörk og lagði upp sex.
Júlíus Mar Júlíusson, leikmaður KR, hefur verið orðaður við Val og Hjörvar veltir því fyrir sér hvort það gætu orðið leikmannaskipti.
Athugasemdir
