Fullt nafn: Liam Daði Jeffs

Gælunafn: Limmi

Aldur: Tvítugur í dag

Hjúskaparstaða: Ég er á föstu

Hvenær lékstu þinn fyrsta leik með meistaraflokki og er eitthvað minnisstætt úr leiknum: Fyrsti mfl leikurinn var gegn Aftureldingu 2021. Þjóðhátíðarleikurinn í covid. Man að það vantaði mjög marga vegna covid og margir skráðir í KFS á þeim tíma. Spilaði held ég 1 mínútu í þeim leik eftir að Seku skoraði mark á 90. mín

Uppáhalds drykkur: Rauður Collab

Uppáhalds matsölustaður: Serrano

Uppáhalds tölvuleikur: Fortnite eða rainbow six siege

Áttu hlutabréf eða rafmynt: nei, á engin hlutabréf eða rafmyntir

Uppáhalds sjónvarpsþáttur: Family Guy

Uppáhalds tónlistarmaður: það er erfitt að velja en myndi segja Stebbi Hilmars

Uppáhalds hlaðvarp: Fm95blö

Uppáhalds samfélagsmiðill: Instagram

Fyrsta síðan sem þú ferð á þegar þú opnar netið: Fótbolti.net

Fyndnasti Íslendingurinn: Sveppi hann tekur það

Hvernig hljómar síðasta sms sem þú fékkst: wok to walk Pöntunin thin er tilbuin. Verdi ther ad godu!
Stadsetning: Smaratorg

Hvaða liði myndir þú aldrei spila með: Aldrei segja aldrei

Besti leikmaður sem þú hefur mætt: Patrick Pedersen

Besti þjálfarinn sem hefur þjálfað þig: Örn Þór Karlsson í 2. flokki hjá Þrótti, alveg geggjaður

Mest óþolandi leikmaður sem þú hefur mætt: Yann Emmanuel Affi í Þór, spilaði á móti honum í Boganum. Hef aldrei hitt mann sem nartar í hæla eins og hann

Hver var fyrirmyndin þín í­ æsku: Verð að setja Ian David Jeffs þarna

Sætasti sigurinn: Þór á útivelli, klúðraði dauðafæri i fyrri hálfleik og þeir komust snemma yfir í seinni en siðan unnum við sem var mjög mikill léttir

Mestu vonbrigðin: Komast ekki upp í fyrra, það var drullu fúlt

Uppáhalds lið í enska: Manchester United

Ef þú fengir að velja einn leikmann úr öðru íslensku liði í þitt lið: Hlynur Þórhallsson, pjúra gæði

Efnilegasti fótboltamaður/kona landsins: Emil Gautason

Fallegasti fótboltamaðurinn á Íslandi: Benóný Haraldsson

Fallegasta fótboltakonan á Íslandi:.

Besti fótboltamaðurinn frá upphafi: Cristiano Ronaldo

Ein regla í fótbolta sem þú myndir breyta: Það þarf ekki að breyta neinu að mínu mati

Uppáhalds staður á Íslandi: Vestmannaeyjar

Segðu okkur frá skemmtilegu atviki sem gerst hefur í leik:
Þegar við spiluðum á móti Þór 2024 á Akureyri og Kári Kri fer í samstuð við markmanninn. Hann fer ekki vel útúr því, löggan mætir inná völlinn og spyr Kára um kennitöluna í miðjum leik. Fannst það mjög gott móment.

Ertu með einhverja hjátrú tengda fótbolta: Borða alltaf það sama fyrir leik

Fyrir utan fótbolta, fylgist þú með öðrum íþróttum: Handbolta, golfi, pílu

Í hvernig fótboltaskóm spilar þú: nike mercurial

Í hverju varstu/ertu lélegastur í­ skóla: Íslensku

Vandræðalegasta augnablik: ekkert sem ég man eftir

Hvaða þremur leikmönnum byðir þú í mat og af hverju: Viktor Steinarsson, Kári Kristjánsson og Hlynur Þórhallsson. Smá reunion, það væri hægt að tala endalaust í kringum þetta matarborð

Bestur/best í klefanum og af hverju: Eiður Atli, drullu fyndinn og getur talað endalaust um sína sektabók

Hvern í liðinu þínu myndirðu velja til að taka þátt í sjónvarpsþáttaröð: Ég myndi segja Sesar Örn, hann væri rosalegur í Love island þessi maður er með alvöru leik

Sturluð staðreynd um sjálfan þig: drullu góður í pílu

Hvaða samherji hefur komið þér mest á óvart eftir að þú kynntist honum og af hverju: Róbert Elís kom mér virkilega á óvart, alvöru snillingur eftir að maður fékk að kynnast honum.

Hverju laugstu síðast: hvernig mér gekk í golfi siðast það var smá brekka

Hvað er leiðinlegast að gera á æfingum: sendingaæfingar

Ef þú fengir eina spurningu til að spyrja hvern sem er: Hver yrði spurningin og hvern myndiru spyrja: Myndi spyrja Michael Carrick hvernig hann náði að snúa blaðinu við hjá United

Einhver skilaboð til stuðningsmanna fyrir sumarið: Gaman að vera kominn til Eyja, stuðninsgmenn Eyjamanna eru frábærir og ég hlakka til að sjá sem flesta mæta á völlinn og styðja við ÍBV