Spánn: Mark Sandro Ramirez dugði ekki á El Sadar

Osasuna og Huesca skildu jöfn á Estadio El Sadar, heimavelli Osasuna, í kvöld.

Sandro Ramirez kom gestunum í Huesca yfir þegar hann skoraði eftir frákast á fimmtu mínútu. David Garcia jafnaði leikinn með flottu skallamarki eftir fyrirgjöf frá Jony á 68. mínútu.

Fleiri urðu mörkin ekki og leikar enduðu 1-1. Osasuna er með ellefu stig í 11. sæti þegar liðið hefur leikið níu leiki. Huesca er eina liðið sem búið er með tíu leiki. Liðið er með sjö stig í 17. sæti.