Gabríel Þór: „Fokkaði“ svolítið upp leikplaninu
Mynd: Augnablik
Mynd: Augnablik
Gabríel Þór Stefánsson, annar tveggja þjálfara Augnabliks, var að vonum svekktur með 3-2 tap sinna manna gegn KFA í Gatorade bikar Fótbolti.net í kvöld. Fótbolti.net ræddi við Gabríel að leik loknum.
Hvernig var tilfinningin beint eftir leik?
„Hún er bara súr. Við byrjuðum alls ekki vel og það fokkaði svolítið upp leikplaninu og setti það í skrúfurnar, að fá á sig mark eftir mínútu. Geggjaður karakter hjá strákunum að koma til baka og jafna og fáum síðan á okkur ódýrt mark þar sem við erum einhvern veginn soft á miðjunni og vantar smá „urgency“ (innsk. blm. áræðni) í okkur oft á tíðum. Annars geggjaður leikur hjá strákunum, stoltur af þeim.“
Er ekki súrt fyrir ykkur að fá mark á ykkur strax í kjölfarið á því að þið jafnið?
„Bara klárlega. Það setur leikinn erfitt upp fyrir okkur.“
Á þessum tímapunkti á tímabilinu er Augnablik með 14 stig í 8. sæti 3. deildarinnar. Var það markmiðið fyrir mót?
„Nei klárlega ekki markmiðið. Nokkrir leikir sem að hafa ekki farið okkur í vil og hefðum klárlega viljað vera með fleiri stig en við erum með marga unga stráka úr 2. flokknum.“
Viðtalið í heild sinni má sjá í spilaranum hér að ofan.
