Gunnar Heiðar Þorvaldsson, nýr þjálfari HK, hefur sótt hægri bakvörðinn Svavar Örn Þórðarson frá sínum gömlu félögum í Njarðvík. HK-ingar tilkynntu komu Svavars í kvöld.
Svavar Örn, sem er 21 árs gamall, nýtti sér uppsagnarákvæði í samningi sínum við Njarðvík á dögunum.
Hann spilaði frábærlega undir stjórn Gunnars Heiðars hjá Njarðvík og mun halda áfram að spila fyrir Eyjamanninn.
HK tilkynnti komu Svavars í kvöld en hann gerði þriggja ára samning við félagið.
Svavar er uppalinn í Njarðvík og spilaði 16 leiki og skoraði tvö mörk er liðið hafnaði í öðru sæti Lengjudeildarinnar á nýafstaðinni leiktíð.
Athugasemdir
