20.12.06 - 17:59
Þórður Már Sigfússon
Gunnar Líndal Sigurðsson til Fram (Staðfest)
Mynd: Fótbolti.net - Magnús Már Einarsson
Mynd: Fótbolti.net - Magnús Már Einarsson
Markvörðurinn Gunnar Líndal Sigurðsson hefur samið við Framara til tveggja ára en hann hefur verið á mála hjá Þór Akureyri undanfarin ár. Þetta kemur fram á vefsíðu Safamýrarfélagsins.
Gunnar, sem er 21. árs, á að baki tvo úrvalsdeildarleiki með Þór sem og nokkra leiki með yngri landsliðum Íslands. Hann var aðalmarkvörður Þórs í 1. deildinni á síðustu leiktíð.
Gunnar rifti samningi sínum við Þór fyrr í þessum mánuði og lék með Framliðinu í æfingaleik gegn FH fyrir stuttu og virðist hafa náð að heilla forráðamenn félagsins nóg til þess að fá samning.
Framarar verða ekki á flæðiskeri staddir með markverði á næstu leiktíð því hinn ungi og efnilegi markvörður, Hannes Þór Halldórsson, gekk til liðs við félagið frá Stjörnunni í október. Einnig er Ögmundur Kristinsson markvörður undir 19 ára landsliðs Íslands einnig á mála hjá Fram.
Gunnar rifti samningi sínum við Þór fyrr í þessum mánuði og lék með Framliðinu í æfingaleik gegn FH fyrir stuttu og virðist hafa náð að heilla forráðamenn félagsins nóg til þess að fá samning.
Framarar verða ekki á flæðiskeri staddir með markverði á næstu leiktíð því hinn ungi og efnilegi markvörður, Hannes Þór Halldórsson, gekk til liðs við félagið frá Stjörnunni í október. Einnig er Ögmundur Kristinsson markvörður undir 19 ára landsliðs Íslands einnig á mála hjá Fram.
Heimild: Vefsíða Fram
