Frá Roma til Watford (Staðfest)

Bove er 23 ára gamall og síðast á mála hjá Roma en hann rifti samningi sínum við félagið á dögunum. Hann lék á láni hjá Fiorentina á síðustu leiktíð og fékk þá hjartaáfall í leik gegn Fiorentina, en bjargráður var inngræddur inn í hann. Ekki er leyfilegt að spila í Seríu A með slíkan búnað og hefur hann því ekki spilað leik síðan.

Hann gat valið á milli nokkurra félaga en ákvað að hefja nýtt ævintýri á Englandi með Watford.

Ítalinn er þakklátur Watford fyrir tækifærið og segist ekki geta beðið eftir því að spila fyrir framan stuðningsmenn liðsins.

„Ég vil þakka allri Watford-fjölskyldunni fyrir þessar hlýlegu móttökur sem ég hef fengið. Þeir hafa gefið bestu mögulegu skilyrðin til þess að taka þetta mikilvægu skref á ferlinum.“

„Ég hef beðið spenntur eftir því að komast aftur á völlinn og að gera það með jafn sögufrægu félagi og Watford fyllir mig miklu stolti.“

„Ég er einnig spenntur að æfa með nýju liðsfélögunum og spila. Auk þess get ég ekki beðið eftir því að sýna þakklæti mitt fyrir traustið sem mér hefur verið gefið,“ sagði Bove á heimasíðu Watford.

We are delighted to confirm the signing of Edoardo Bove on a five-and-a-half year contract ?????????? pic.twitter.com/xy5JbwsIzG

— Watford Football Club (@WatfordFC) January 21, 2026