Það var að berast stór tilkynning úr herbúðum KFA þar sem Austfirðingar eru búnir að krækja í öflugan liðsstyrk auk þess að semja við fyrirliðann.
Adam Örn Guðmundsson er kominn aftur til KFA og gerir tveggja ára samning við félagið eftir þriggja ára fjarveru.
Adam Örn, fæddur 2001, hefur leikið með Magna undanfarin ár en hann býr yfir mikilli reynslu úr 2. deild. Adam var á mála hjá KA áður fyrr og hefur tvisvar sinnum komið við sögu í Bestu deildinni.
Hann gæti því reynst mikilvægur liðsstyrkur fyrir KFA sem endaði í fimmta sæti 2. deildar í fyrra - átta stigum frá því að komast upp í Lengjudeildina.
Arek er þá búinn að gera nýjan eins árs samning við félagið. Arkadiusz Jan Grzelak, betur þekktur sem Arek, er fyrirliði KFA og algjör lykilmaður.
Athugasemdir
