Mane skoraði loksins á mánudaginn þegar Liverpool mætti Leeds en leiknum lauk með 1-1 jafntefli.

Fyrir það hafði Mane ekki skorað í níu deildarleikjum í röð sem er óvenjulegt fyrir þennan markaskorara.

„Þetta var virkilega erfitt fyrir mig en við verðum að átta okkur á því að þetta er hluti af fótboltanum," sagði Mane.

„Ég veit það og ég reyni að gera mitt besta til að hjálpa liðinu meira og meira. Fyrir nokkrum árum hefði þetta verið erfiðara en nú er ég reynslumeiri og þekki fótboltann betur."

„Ég efaðist aldrei um sjálfan mig. Ég reyni að vera jákvæðari en ég hef áður verið."