Lestu um leikinn: Grótta 1 -  0 Haukar

„Mér fannst við daufar í fyrri hálfleik, ekki nægilega góðar. Vorum hins vegar með boltann heilt yfir bara örugglega áttatíu prósent í þessum leik. Grótta opnaði okkur einu sinni, fékk eitt færi í leiknum og skoruðu og gerðu það mjög vel.“

„Við fáum svona tvö þokkaleg, ekki dauðafæri kanski en þokkalega sénsa og Tinna varði vel þarna í tvígang ef ekki þrígang.“

Haukar voru mestmegnis með boltann í leiknum og héldu honum nánast allan seinni hálfleikinn. 

„Við vorum að reyna þrýsta þeim aftar og pressa á þær. Mér fannst það takast svona þokkalega á ákveðnum köflum í seinni hálfleik.“ 

Haukar eiga næst leik á móti Tindastól en liðið er í 2.sæti í deildinni. Það má því búast við hörkuleik.

„Við þurfum bara að vera aðeins markvísari í okkar aðgerðum sóknarlega og klára hlaupin okkar betur inn á teiginn og hafa meiri sjálfstraust og trú á því að við getum skorað mörk.“

„Markmiðin okkar eru ekkert breytt en hins vegar þurfum við að átta okkur á stöðunni, hún er ekkert voðarlega góð eftir leikinn í kvöld. Við stefnum hátt með þetta lið og nú er bara spurning hvað leikmannahópurinn gerir.“

Viðtalið í heild sinni má sjá í spilaranum að ofan.