Enska B-deildarfélagið Derby County vann Bournemouth 3-2 er liðin mættust í lokaleik 18. umferðar í dag.

Derby hefur verið að ganga í gegnum mikla erfiðleika á þessu ári en níu stig voru dregin af liðinu fyrir þetta tímabil og svo voru önnur níu stig dregin af liðinu á dögunum vegna fjárhagserfiðleika.

Leikmenn félagsins leggja sig þó fram af öllum krafti að halda því á floti og í dag hafðist 3-2 sigur gegn Bournemouth.

Bournemouth hafði aðeins tapað einum leik í deildinni fram að leiknum í dag. Tomas Lawrence skoraði tvö fyrir Derby sem er nú komið úr mínus og fimmtán stigum frá öruggu sæti.